Este modelo de polo de emprendemento e apoio ao emprego actúa desde o concello de Malpica, situado máis ao norte ata o concello de Ribeira no sur; en concreto as comarcas de Bergantiños, Fisterra, Soneira, Barcala, Xallas, Muros, Noia e Barbanza, e aspira a converterse nunha plataforma eficaz de dinamismo laboral onde se impulsen proxectos innovadores que fomenten a inserción laboral e o emprego de calidade, acompañando ás persoas que comezan o seu camiño emprendedor desde o comezo e durante todas as etapas para que poidan emprender en condición de seguridade e garantindo que os seus negocios medran e se consoliden no tempo. Actualmente conta con dous expertos como persoal técnico a disposición das persoas emprendedoras; unha persoa ubicada en Dumbría que é experta en asesoramento en emprendemento, e outra ubicada en Ponteceso experta en asesoramento en emprendemento e comercialización.